Naa-ummid si ek Ummid

Ummid thi ke shaaed uss bheed mein
Naqaabon ke parey koi apna hoga

Koi aisa jis ki ek jhalak ke liye maano sadiyon se
Dil yun tadpa hai ke jaise koi na kabhi tadpa hoga

Beqaraar si nazrein talaash karti rahiin baarha uss ko
Na jaane kahan hoga wo, kis haal mein hoga, kaisa hoga

Yaad karta bhi hai mujh ko kabhi ya ke phir bhool gaya
Wo tha aisa hi, magar main ne ye samjha tha ke mera hoga

Saal dar saal karvaan e ziist chal to raha hai bin uss ke
Phir bhi ek aas lagi hai ke agar mil jaaye kisi roz to kaisa hoga......

(By Shazia)